09.10.2026 | 19:14
«Խորապես մտահոգիչ է, որ ապօրինության հարթակի է վերածվում նաև Ազգային ժողովը». Մայր Աթոռի հայտարարությունը
Իսրայելը հայտնել է Թուրքիայում իր տնտեսական գրասենյակի վերաբացման մասին՝ երկրների հարաբերությունների բարելավման ֆոնին
Քաղաքականություն
05.07.2022 | 22:29
Իսրայելը հայտարարել է, որ վերաբացնելու է իր տնտեսական և առևտրային գրասենյակը Թուրքիայում, քանի որ երկրները աշխատում են վերականգնել դիվանագիտական հարաբերությունները, որոնք լարված են ավելի քան մեկ տասնամյակ, հայտնում է Reuters-ը։
Երկու երկրներն էլ դեսպաններին արտաքսել են 2018 թվականին և հաճախ են տարաձայնություններ ունեցել իսրայելա-պաղեստինյան հակամարտության շուրջ, թեև այժմ ձգտում են վերականգնել դիվանագիտական ներկայացուցչությունները դեսպանների մակարդակով։
Չնայած խնդիրներին՝ երկրները պահպանել են առևտուրը, և Թուրքիան շարունակում է մնալ Իսրայելի կարևորագույն գործընկերներից մեկը: Երկկողմ առևտուրը 2021 թվականին աճել է 30 տոկոսով՝ հասնելով 7,7 միլիարդ դոլարի։
«Տնտեսական ներկայացուցչության վերաբացումն արտացոլում է Թուրքիայի հետ տնտեսական կապերը խորացնելու՝ Իսրայելի հանձնառությունը։ Մենք մտադիր ենք շուտով խթանել երկրների միջև համատեղ տնտեսական համաժողովն ավելի քան մեկ տասնամյակ անց»,- ասել է Իսրայելի էկոնոմիկայի նախարար Օրնա Բարբիվայը։
Այս քայլը կօգնի ավելի քան 1500 իսրայելական ընկերություններին, որոնք Թուրքիա արտահանում են իրականացնում։
Էմմա Չոբանյան
