25.03.2026 | 23:01
Ադրբեջանում կտրուկ բարձրացվել են պաշտոնյաների աշխատավարձերը՝ դժգոհություններ առաջացրելով. OC Media-ի անդրադարձը
Ռուսաստանը Հրեական գործակալությանը հանձնարարել է դադարեցնել երկրում գործունեությունը․ The Jerusalem Post
Քաղաքականություն
05.07.2022 | 23:09
Ռուսաստանի կառավարությունը Հրեական գործակալությանը հրահանգել է դադարեցնել բոլոր գործողությունները երկրի տարածքում։ Այս մասին հայտնում է The Jerusalem Post-ը։
Նշվում է, որ հրամանը տրվել է ՌԴ Արդարադատության նախարարության կողմից անցյալ շաբաթվա սկզբին։ Հրեական գործակալության պաշտոնյաները հաստատել են, որ նամակը ստացվել է, սակայն չեն մեկնաբանել պատասխանը, որը ներկայում քննարկվում է կազմակերպության գրասենյակներում Երուսաղեմում՝ Արտաքին գործերի նախարարության և վարչապետի գրասենյակի հետ խորհրդակցելով:
«Որպես Ռուսաստանում Հրեական գործակալության պատվիրակության աշխատանքի մաս՝ մեզանից երբեմն պահանջում են որոշակի ճշգրտումներ կատարել, ինչպես պահանջում են իշխանությունները։ Շփումները իշխանությունների հետ մշտապես տեղի են ունենում՝ նպատակ ունենալով շարունակել մեր գործունեությունը իրավասու մարմինների կողմից սահմանված կանոններով, նույնիսկ մեր օրերում նման երկխոսություն է տեղի ունենում»,- լրատվամիջոցին ասել են Հրեական գործակալությունից։
«Հրեական համայնքի մարդիկ զգում են, թե ինչպես է երկաթե վարագույրն իջնում իրենց վրա և վախենում են, որ չեն կարողանա փախչել երկրից»,- ասել է լրատվամիջոցի աղբյուրը։
Աղբյուրներից մեկի համաձայն՝ «մի շարք հրեաներ ասել են, որ ռուսական իշխանությունները փորձում են ձերբակալել իրենց, և որ վախենում են իրենց կյանքի համար»։
Հրեական գործակալության հիմնական նպատակներից է խթանել և դյուրացնել հայրենադարձությունը ողջ աշխարհի հրեական համայնքներից: Եթե այն չկարողանա գործել ՌԴ-ում, սա կլինի 30 տարվա մեջ առաջին դեպքը։
Իսրայելի հայրենադարձման և ինտեգրման նախարար Պնինա Տամանո-Շատան արձագանքել է հրապարակմանը՝ ասելով. «Այսօր առավոտյան ինձ տեղեկացրեցին Ռուսաստանի Արդարադատության նախարարության որոշման վերաբերյալ: Ինչպես հայտնի է՝ Հրեական գործակալությունը կառավարության և նախարարության կենտրոնական թևն է, աջակցում է ամբողջ աշխարհից հրեաների ներգաղթին դեպի Իսրայել պետություն»։
Նա նշել է, որ գործակալությունը պետք է շարունակի գործել և այդ հարցով դիմել է վարչապետին՝ խնդրելով աշխատել Մոսկվայի վարչակազմի հետ՝ խնդիրը լուծելու համար։
Էմմա Չոբանյան
