17.05.2026 | 23:35
Հենրիխ Մխիթարյանը՝ «Ինտեր» – «Վերոնա» հանդիպման լավագույն ֆուտբոլիստ․ ՏԵՍԱՆՅՈՒԹ
Ֆինլանդիան գրեթե 900 բեռնատար վագոն է առգրավել ռուսական ընկերություններից
Քաղաքականություն
05.07.2022 | 21:51
Ֆինլանդիան գրեթե 900 բեռնատար վագոն է առգրավել ռուսական ընկերություններից ԵՄ պատժամիջոցների շրջանակում։ Այս մասին հայտնում է Reuters գործակալությունը, որի տրամադրության տակ հայտնվել է նամակ ֆիննական պետական երկաթուղային VR Group-ից և Ռուսական երկաթուղիներից։
Հունիսի 6-ին ՌԴ Տրանսպորտի նախարարությանն ուղղված նամակը վերաբերում է առգրավված 865 վագոններին։ Ֆիննական երկաթուղային VR կոնցեռնը հաստատել է, որ վագոններն իրականում առգրավվել են։
Իր հերթին, Ռուսաստանի իշխանությունները չեն ցանկացել մեկնաբանել սա։ Առգրավված վագոնները պատկանում են ընկերությունների, որոնք ուղղակիորեն կամ իրենց բաժնետերերի միջոցով տուժում են ԵՄ պատժամիջոցներից։
Հիշեցնենք, որ մայիսին ֆիննական երկաթուղին հայտարարեց Ռուսաստանի հետ պայմանագրերը խզելու մասին։ Այն ժամանակ VR Group-ը կարծում էր, որ մինչև այս ամառվա վերջ Ռուսաստանից երթևեկությունը կկրճատվի սկզբնական մակարդակի մոտ մեկ երրորդով:
Տաթև Ֆռանգյան
