16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Էրդողանի կուսակցության ընտրողների մեծ մասը չի հավատում Թուրքիայի գնաճի պաշտոնական տվյալներին՝ այն ավելի բարձր համարելով․ հետազոտություն
Քաղաքականություն
04.07.2022 | 23:30
Թուրքիայի նախագահ Ռեջեփ Թայիփ Էրդողանի գլխավորած իշխող «Արդարություն և զարգացում» կուսակցության աջակիցների ավելի քան 45 տոկոսն արժանահավատ չի համարում Թուրքիայի 73,5 տոկոս գնաճի պաշտոնական տվյալները, փոխարենը հավատում են անկախ հետազոտական խմբի ներկայացրած ցուցանիշին, որը գերազանցում է պաշտոնական ցուցանիշը։ Այս մասին ասվում է MetroPoll սոցիոլոգիական ընկերության նոր հետազոտության մեջ, գրում են թուրքական լրատվամիջոցները։
Ըստ հարցման՝ ԱԶԿ-ի ընտրողների մոտ 45,8 տոկոսն ասել է, որ հավատում է ENAG-ի մայիսյան գնաճի տվյալներին, որը կազմել է 160 տոկոս՝ ի տարբերություն 42,6 տոկոսի, որը հավատում է նույն ժամանակահատվածի համար Թուրքիայի վիճակագրական ինստիտուտի (TÜİK) հայտարարած թվին։
Ընդհանուր առմամբ, ԱԶԿ-ի կողմնակիցների 11,5 տոկոսը կարծիք չի հայտնել այդ հարցի վերաբերյալ։
Թուրքիայի սպառողական գների տարեկան գնաճը մայիսին ավելացել է՝ հասնելով 73,5 տոկոսի, ըստ TÜİK-ի՝ սա ամենաբարձր մակարդակն է 1998 թվականից ի վեր։ Սակայն քննադատները պնդում են, որ գնաճը շատ ավելի բարձր է։ Տնտեսագետների և գիտնականների կողմից ստեղծված Inflation Research Group (ENAG) անկախ կազմակերպության համաձայն՝ մայիսին երկրում իրական գնաճի մակարդակը կազմել է ավելի քան 160 տոկոս։
Էմմա Չոբանյան
