19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Թբիլիսիում կառավարության հրաժարականի պահանջով բողոքի ցույց է տեղի ունեցել
Քաղաքականություն
04.07.2022 | 14:52
Թբիլիսիում կառավարության հրաժարականի պահանջով հերթական զանգվածային բողոքի ցույցն է տեղի ունեցել։ Դրան մասնակցել է ավելի քան 35 հազար մարդ։ Ակցիայի մասնակիցները Վրաստանի իշխանություններին մեղադրում երկրին ԵՄ անդամ երկրի թեկնածուի կարգավիճակ տրամադրելու հարցում անկարողության մեջ, գրում է euronews-ը։
Ուկրաինան ու Մոլդովան դարձել են ԵՄ անդամության թեկնածու երկիր, սակայն Վրաստանի դիմումը հետաձգվել է․ Բրյուսելը Թբիլիսիից սպասում է ավելի արմատական քաղաքական բարեփոխումներ։
«Եթե մենք կյանքի կոչենք այդ 12 կետերը, որոնք մեզանից պահանջում է Եվրամիությունը, եթե այդ հիմնական սկզբունքները պահպանվեն, ապա Վրաստանը կլինի Եվրոպայում»,- կարծում է ցուցարարներից Վաժա Գապրինդաշվիլին։
«Ես այստեղ եմ եղել հունիսի 20-ին ու 24-ին, իսկ այսօր եկել եմ, քանի որ ուզում եմ ապրել եվրոպական Վրաստանում։ Ես չեմ ուզում գնալ Եվրոպա, ես ուզում եմ, որ իմ երկիրը լինի հենց Եվրոպայի մաս»,- ասել է ուսանողուհի Նատա Բարամիան։
Իշխող «Վրացական երազանք» կուսակցությունն ընդդիմությանը մեղադրել է «կառավարությունը տապալելու ծրագրերի մեջ՝ կազմակերպելով հակակառավարական ցույցերը»։ Ցուցարարներն էլ կարծում են, որ կուսակցության հիմնադիր Բիձինա Իվանիշվիլին՝ նախկին վարչապետը և Վրաստանի ամենահարուստ մարդը, ղեկավարում է երկիրը՝ չնայած պաշտոնապես քաղաքական պաշտոն չի զբաղեցնում։
Տաթև Ֆռանգյան
