17.01.2026 | 14:14
Հրդեհ Տիչինայի փողոցում
Անկարայում Ուկրաինայի դեսպանը հայտնել է, որ ուկրաինական հացահատիկ տեղափոխող ռուսական նավը կալանվել է Թուրքիայի կողմից
Քաղաքականություն
04.07.2022 | 14:23
Թուրքական մաքսատունը նախօրեին կալանել է ռուսական նավը, որն ուկրաինական ցորեն է տեղափոխել։ Այս մասին հայտարարել է Անկարայում Ուկրաինայի դեսպան Վասիլի Բոնդարը, գրում է ՌԻԱ Նովոստին։
Դիվանագետի պնդմամբ՝ նավը գտնվում է Կարասու նավահանգստի մուտքի մոտ։ Թուրքական մաքսատունն իր հերթին ՌԻԱ Նովոստիին հաստատել է նավի կալանման փաստը։
«Դիմում է եղել, կատարվում է քննություն։ Դա այն է, ինչ հիմա ձեզ կարող եմ ասել»,- ասել է մաքսատան անանուն աղբյուրը։
Հավելենք, որ Կիևը Մոսկվային մեղադրում է ուկրաինական հացահատիկը գողանալու մեջ այն տարածքներից, որոնք անցել են ռուսական վերահսկողության տակ։ ՌԴ-ն հերքում է այս մեղադրանքները։
Հիշեցնենք, որ ավելի վաղ էլ Բոնդարը հայտարարել էր, թե Թուրքիան այն երկրների թվում է, որը գնում է Ռուսաստանի կողմից գողացված ուկրաինական հացահատիկը։
Էմմա Չոբանյան
