21.06.2026 | 02:11
ԱԱ-2026. Գերմանիան կամային հաղթանակի հասավ վերջնամասում. ՏԵՍԱՆՅՈՒԹ
Հուրգադայում շնաձուկը ևս մեկ մարդու կյանք է խլել
Քաղաքականություն
03.07.2022 | 19:55
Եգիպտոսի Հուրգադա հանգստավայրում շնաձկան հարձակման հետևանքով ևս մեկ զբոսաշրջիկ է մահացել, հայտնում է Եգիպտոսի շրջակա միջավայրի նախարարությունը: Նրա ինքնության մասին մանրամասներ չեն հաղորդվում։ Գերատեսչության տվյալներով՝ փորձագետները սկսել են հետաքննել հարձակման պատճառները։
«Շրջակա միջավայրի նախարար Յասմին Ֆուադը Հուրգադայի Սահլ Հաշիշ հանգստավայրում լողացող երկու կանանց վրա շնաձկան հարձակման մասին տեղեկություն ստանալուց անմիջապես հետո հրահանգել է Կարմիր ծովի մասնագետների աշխատանքային խումբ ստեղծել»,- Kommersant․ru-ի փոխանցմամբ՝ ասվում է նախարարության հայտարարության մեջ։
Առաջին զոհի՝ 68-ամյա Ավստրիայի քաղաքացու մասին հայտնի է դարձել հուլիսի 2-ին։ Կինը հիվանդանոց տեղափոխվելու ճանապարհին մահացել է։ Բժիշկներին չի հաջողվել նրան վերակենդանացնել։ Daily News Egypt-ի փոխանցմամբ՝ մահացածն ամուսնացած է եղել Եգիպտոսի քաղաքացու հետ։
