20.11.2024 | 12:22
Մարությանը ճիշտ է արել. Սուրեն Գրիգորյան․ ՏԵՍԱՆՅՈՒԹ
Ղազախստանը հայտարարել է ԱՄՆ-ի հետ հարաբերությունների նոր փուլի մասին
Քաղաքականություն
01.07.2022 | 23:08
Ղազախստանը «հարաբերությունների նոր փուլ» է կառուցում ԱՄՆ-ի հետ։ Այս մասին հուլիսի 1-ին «Ղազախստանի Հանրապետությունը միջազգային հարաբերությունների ժամանակակից համակարգում» համաժողովի ժամանակ ասել է երկրի արտաքին գործերի նախարար Մուխտար Տլեուբերդին, փոխանցում է DW-ի ռուսական ծառայությունը։
«Քաղաքական և անվտանգության հարցերի, առևտրի և ներդրումների շուրջ փոխշահավետ համագործակցության հիմքն ընդլայնված ռազմավարական գործընկերության հանձնաժողովի շրջանակում բարձր մակարդակի կանոնավոր հանդիպումներն են»,- ասել է նա։
Ամերիկյան կողմը չի մեկնաբանել պաշտոնյայի հայտարարությունները։
Ղազախստանի ԱԳՆ ղեկավարը չի շրջանցել Ռուսաստանի հետ հարաբերությունները՝ դրանք անվանելով «կառուցողական» ու «դինամիկ»։ Ռուսաստանի Դաշնությունը Ղազախստանի առանցքային ռազմավարական գործընկերն է՝ ընդգծել է Տլեուբերդին։
Հունիսի սկզբին Ղազախստանում հանրաքվե անցկացվեց, որի արդյունքներով երկրի բնակչության ճնշող մեծամասնությունը հաստատեց սահմանադրական փոփոխությունները՝ երկիրը սուպերնախագահական հանրապետությունից վերածելով նախագահական հանրապետության՝ խորհրդարանի կարևոր դերակատարումով։
Տաթև Ֆռանգյան
