06.11.2024 | 16:23
Եվրոպական խորհրդարանում անցկացվել է «COP 29-ը Բաքվում. քողարկելով էթնիկ զտումը» խորագրով խորհրդաժողովը
Էրդողանը հայտարարել է, որ Շվեդիայի և Ֆինլանդիայի հետ եռակողմ հռչակագիրը Թուրքիայի հաղթանակն է
Քաղաքականություն
30.06.2022 | 23:30
ՆԱՏՕ-ի բոլոր դաշնակիցները պետք է միասնական և ամուր դիրքորոշում որդեգրեն ահաբեկչության դեմ և ուժեղացնեն համագործակցությունն այս արհավիրքի դեմ պայքարում: Այս մասին Մադրիդում ՆԱՏՕ-ի գագաթնաժողովի արդյունքներին հաջորդած մամուլի ասուլիսում հայտարարել է Թուրքիայի նախագահ Ռեջեփ Թայիփ Էրդողանը, գրում է «Անադոլու» գործակալությունը։
Խոսելով ՆԱՏՕ-ի ընդլայնման մասին՝ Էրդողանն ասել է, որ «Շվեդիայի և Ֆինլանդիայի հետ եռակողմ հռչակագիրը դիվանագիտական հաղթանակ է Թուրքիայի և թուրք ժողովրդի համար՝ բանակցությունների բարդ գործընթացի արդյունքում»։
Էրդողանը նշել է, որ ձեռք բերված պայմանավորվածությունների շրջանակում Շվեդիան խոստացել է Թուրքիային արտահանձնել 73 անձի։ Նա հավելել է, որ Անկարան ուշադիր հետևելու է եռակողմ հուշագրի դրույթների կատարմանը և հետագա քայլերը կձեռնարկի՝ հաշվի առնելով իրերի իրական վիճակը։
«Եթե Սկանդինավյան երկրների հայտը չհաստատվի Թուրքիայի խորհրդարանի կողմից, ապա ՆԱՏՕ-ին անդամակցելու գործընթացը չի ավարտվի։ Ուստի Ֆինլանդիան և Շվեդիան պետք է կատարեն իրենց պարտավորությունները։ Այս երկրները պետք է փակեն դռները PKK-ի, YPG-ի և FETÖ-ի ահաբեկիչների համար։ Անհրաժեշտ փոփոխություններ պետք է կատարել ազգային օրենսդրության մեջ։ Եթե այս խոսքերը չեն կատարվում, ուրեմն թող չնեղանան։ Մենք համապատասխան քայլեր կձեռնարկենք։ Եթե այդ խոսքերը չկատարվեն, ապա անդամակցության հարցը Թուրքիայի խորհրդարանում չի քննարկվի»,- ասել է Էրդողանը։
Էմմա Չոբանյան
