28.06.2026 | 14:57
ՄԻՊ-ի ներկայացուցիչը Շվեդիայում մասնակցել է գենդերային հավասարության թեմաներին նվիրված միջազգային ուսումնական այցի
Բանակում մահերը կոծկում են զորամասի հետ՝ ինքնասպանություն որակում․ Աննա Վարդապետյանը կհաղթահարի՞ այս կապը․ Ժաննա Ալեքսանյան. ՏԵՍԱՆՅՈՒԹ
Քաղաքականություն
30.06.2022 | 19:47
Իրավապաշտպան Ժաննա Ալեքսանյանը նորընտիր գլխավոր դատախազ Աննա Դավթյանից ակնկալում է հանրայնորեն հայտնել՝ ի՞նչ տեսլական ունի դատախազության համակարգի փոփոխության, ի՞նչ մեխանիզմներ է մշակել։ Վեթինգը, ըստ նրա, պետք է սկսվի քննչական, դատախազական համակարգերից․ «Օրինակ՝ որևէ մեկը կարո՞ղ է զինվորական դատախազի անունը տալ, չկա՛։ Այն գործերը, որոնց ընթացքին մենք ենք հետևում, շատ վատ վիճակում են եղել։ Անգամ անհերքելի ապացույցները չեն անցնում»։
«Լրագրողներ հանուն մարդու իրավունքների» ՀԿ ղեկավարը խոսեց կոնկրետ օրինակով․ զինծառայող Արթուր Գասպարյանը, ըստ գործի նյութերի, երկու կրակոց է արձակել ինքն իր բերանի մեջ։ Այս դեպքով առկա խախտումների ապացույցներով ՄԻԵԴ հայց է ներկայացվել։
«Չեն փոխել մեղադրանքը։ Հետմահու դատահոգեբանական փորձաքննության արդյունքն այն է, որ նա սուիցիդի հակված չէր, տարբեր ապացույցներ կային, սակայն գործի հարուցման հոդվածը նույնն է մնացել։ Այդ համակարգը շատ բարդ է։ Համագործակցում են զորամասի հետ, թե ի՞նչ անեն, ինչպե՞ս կոծկեն, ինչպե՞ս ինքնասպանություն որակեն, որ զորամասի հրամանատարի վրա չմնա, ընտանիքի վրա բարդեն։ Համագործակցության․․․ հենց հիմա նույն վիճակն է։ Արդյո՞ք կարող է այս կապը զորամաս-Քննչական կոմիտե-Դատախազություն հաղթահարել Աննա Վարդապետյանը»,- հարց է բարձրացնում Ժաննա Ալեքսանյանը։
Հարցազրույցն ամբողջությամբ՝ տեսանյութում։
Ռոբերտ Անանյան
