09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Նորավանքի Սբ․ Աստվածածին եկեղեցու աստիճանների մոտ տեղադրվել են երկրորդ հարկ բարձրանալն արգելող ցուցանակներ
Հասարակություն
30.06.2022 | 16:04
Հաշվի առնելով վերջին օրերին Նորավանքում տեղի ունեցած դեպքը, ՀՀ ԿԳՄՍ նախարարության հանձնարարությամբ, համաձայնեցնելով Հայ առաքելական եկեղեցու Վայոց ձորի թեմի հետ, «Պահպանության ծառայություն» ՊՈԱԿ-ի միջոցներով, Նորավանքի Սբ Աստվածածին (Բուրթելաշեն) եկեղեցու՝ դեպի երկրորդ հարկ տանող աստիճանների մոտ տեղադրվել են արգելող ցուցանակներ։ Այդ մասին ասված է ՀՀ ԿԳՄՍ նախարարության «Պահպանության ծառայություն» ՊՈԱԿ-ի Ֆեյսբուքի էջում:
«Եվս մեկ անգամ հիշեցնում, հորդորում և պահանջում ենք՝ չբարձրանալ հուշարձանների պատերին, հետևել ցուցանակների ցուցումներին, դրանով իսկ չվտանգել սեփական կյանքը, առողջությունը»,- նշված է գրառման մեջ։
Հիշեցնենք, որ Factor.am-ը անդրադարձել էր վերոհիշյալ թեմային իր՝ «Նորավանքի աստիճաններից Ռուսաստանի հայ քաղաքացի է վայր ընկել» վերտառությամբ նյութում։
