15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Նորավանքի աստիճաններից Ռուսաստանի հայ քաղաքացի է վայր ընկել
27.06.2022 | 15:55
Նորավանք վանական համալիրի եկեղեցու աստիճաններից ազգությամբ հայ ՌԴ քաղաքացի է ընկել։ Ունի լուրջ վնասվածքներ ոտքերի շրջանում, ժամանել է շտապօգնության բրիգադ և նրան տեղափոխել Եղեգնաձորի ԲԿ։ Այս մասին իր ֆեյսբուքյան էջում գրել է «Պրոֆեսիոնալ զբոսավարների հայկական ասոցիացիայի» նախագահ Յաշա Սոլոմոնյանը։
Տղամարդուն բուժօգնություն ցուցաբերած շտապօգնության հերթապահ բժիշկ Արման Հակոբյանը Factor․am-ին ասաց, որ վնասված էին տղամարդու երկու ոտքերը։ Ձախ ոտքը փակ վնասվածք ուներ, իսկ աջ ոտքին, նախանական ախշտորոշմամբ, առկա էր պատռված, արյունահոսող վերք։ Տղամարդուն տեղում առաջին բուժօգնություն ցույց տալուց հետո տեղափոխել են Եղեգնաձորի բժշկական կենտրոն, այնտեղից էլ՝ Երևան։
«Պրոֆեսիոնալ զբոսավարների հայկական ասոցիացիայի» նախագահ Յաշա Սոլոմոնյանն իր գրառմամբ ուշադրություն է հրավիրել այս խնդրի վրա՝ առաջարկելով արգելել այդ աստիճաններով վեր ու վար անելը։
«Տարիներ շարունակ մենք՝ գիտակից զբոսավարներս, աղաղակում ենք այս խնդրի մասին։ Armenian Association of Professional Tourist Guides / AAPTG-ը խնդրի մասին ժամանակին բաց նամակով դիմել էր պատկան մարմիններին, սակայն ձայն բարբառո հանապատի։
Ավելին, թեմի որոշմամբ տարիներ առաջ բերեցին, ճոպան մեխեցին աստիճանների երկայնքով՝ վնասելով եկեղեցու պատերն ու ավելի խրախուսելով լայն մասսաների վերուվարը նեղլիկ աստիճաններով։
Սա ակնհայտ բարձիթողի վերաբերմունք է միջնադարյան հուշարձանի հանդեպ և թքած ունենալու նուրբ արվեստ մարդկանց կյանքի ու առողջության հանդեպ։ Սրան վերջ պետք է տրվի», – գրել է նա։
