22.04.2026 | 17:49
Իսրայելը Լիբանանի հետ «լուրջ տարաձայնություններ» չունի. Իսրայելի ԱԳ նախարար
ՄԻԵԴ-ը Ռուսաստանից պահանջել է ապահովել երկու բրիտանացիների նկատմամբ կայացված մահապատժի չեղարկումը
Քաղաքականություն
30.06.2022 | 21:53
Մարդու իրավունքների եվրոպական դատարանը (ՄԻԵԴ) հինգշաբթի հայտնել է, որ հրահանգել է Ռուսաստանին՝ երաշխավորել, որ ուկրաինական կողմից ռազմական գործողություններին մասնակցելուց հետո գերի ընկած Մեծ Բրիտանիայի երկու քաղաքացիների նկատմամբ սահմանված մահապատիժը չի կատարվի, փոխանցում է VOA-ն։
Այս ամսվա սկզբին Ուկրաինայի արևելքում ինքնահռչակ Դոնեցկի ժողովրդական հանրապետության դատարանը մահապատժի է դատապարտել Մեծ Բրիտանիայի քաղաքացիներ Էյդեն Ասլինին և Շոն Փիններին՝ «վարձկանության գործունեության» մեղադրանքով։
ՄԻԵԴ-ը հայտարարել է, որ ժամանակավոր միջոցների մասին հրահանգ է տվել Ռուսաստանին՝ հայտարարելով, որ «պետք է ապահովվի, որ դիմումատուների նկատմամբ նշանակված մահապատիժը չկատարվի, ապահովվեն նրանց պահման պատշաճ պայմանները, անհրաժեշտ բժշկական օգնություն և դեղորայք տրամադրվեն»։
Ասլինն ու Փինները պայմանագրով ծառայել են Ուկրաինայի զինված ուժերում։ Նրանց ընտանիքները հերքում են, որ նրանք վարձկաններ են եղել։
Տաթև Ֆռանգյան
