13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Պուտինն ու Ալիևը Ղարաբաղյան կարգավորման և տարածաշրջանային անվտանգության հարցեր են քննարկել
Քաղաքականություն
30.06.2022 | 11:56
Աշխաբադում անցկացվող Կասպյան 6-րդ գագաթնաժողովի շրջանակում տեղի է ունեցել ՌԴ նախագահ Վլադիմիր Պուտինի հանդիպումը Ադրբեջանի նախագահ Իլհամ Ալիևի հետ։ Կրեմլի հաղորդագրության համաձայն՝ հանդիպման մեկնարկին Պուտինը, մասնավորապես, ասել է, որ երկու երկրների հարաբերությունները շատ լավ վիճակում են։
«Բոլորովին վերջերս մեր ԱԳ նախարարն էր այդտեղ։ Նախապատրաստվում են մեր վարչապետի և Պետդումայի նախագահի այցերը։ Սակայն ամենակարևորը մեր պլանների իրագործումն է, ավելի ճիշտ՝ մինչև 2024 թվականի մեր համատեղ՝ ռուս-ադրբեջանական պլանի։ Իհարկե, կան տարածաշրջանային անվտանգության հարցեր, առաջին հերթին՝ կապված Ղարաբաղյան կարգավորման հետ։ Ձեզ հետ այդ մասին խոսել ենք, և հիմա հնարավորություն կլինի ևս մեկ անգամ այդ թեմայի շուրջ խոսելու»,- ասել է Պուտինը։
Ալիևն իր հերթին համոզմունք է հայտնել, որ այս հանդիպումը կնպաստի երկու երկրների միջև բարեկամական, բարիդրացիական հարաբերությունների զարգացմանը։
«Իհարկե, այսօր ևս մեկ հնարավորություն կլինի խոսելու տարածաշրջանային խնդիրների շրջանակում ստեղծված իրավիճակի և տարածաշրջանային հակամարտությունների կարգավորման մասին»,- ասել է Ալիևը՝ հույս հայտնելով, որ երկու երկրների հարաբերություններն ապագայում ևս կշարունակեն հաջողությամբ զարգանալ։
Էմմա Չոբանյան
