28.06.2026 | 18:55
Վթարված մեքենայում հայտնաբերվել է նախկին նախարար Գագիկ Ստամբուլցյանի մարմինը
ՔՊ-ն միաձայն նոր գլխավոր դատախազ ընտրեց․ բացահայտվել է 577 մլն դրամ հարկերից խուսափելու դեպք․ Լուրեր
Տեսանյութեր
29.06.2022 | 19:56
«Քաղաքացիական պայմանագիր» խմբակցությունն Աննա Վարդապետյանին միաձայն ընտրել է ՀՀ գլխավոր դատախազի պաշտոնում՝ 70 կողմ ձայնով։ Վարդապետյանը պաշտոնը կստանձնի Արթուր Դավթյանի պաշտոնավարման ժամկետի ավարտից հետո։
Հայաստանի հակակոռուպցիոն կոմիտեն հայտարարել է, որ բացահայտել է կոռուպցիոն հանցագործություն, որի նյութերի համաձայն՝ ՃՈ պետի նախկին տեղակալի և ոստիկանության մեկ այլ պաշտոնյայի հակամրցակցային գործունեության հետևանքով պետությանը պատճառվել է 67 մլն ՀՀ դրամի վնաս, իսկ քրգործի շրջանակում բացահայտվել է նաև 577 մլն ՀՀ դրամի հարկեր չվճարելու հանցագործության դեպք։
ՆԱՏՕ-ի գագաթնաժողովի ժամանակ դաշինքի գլխավոր քարտուղար Յենս Ստոլտենբերգը հայտարարել է, որ ՆԱՏՕ-ին Ֆինլանդիայի և Շվեդիայի անդամակցության գործընթացն աննախադեպ արագությամբ է ընթանում, սակայն անդամակցության ժամկետը կախված կլինի միայն երկրների կողմից անդամակցության արձանագրության վավերացումից։
ՌԴ ԱԳ փոխնախարար Սերգեյ Ռյաբկովը հայտարարել է, որ Մոսկվան բացասաբար է վերաբերվում ՆԱՏՕ-ին Ֆինլանդիայի և Շվեդիայի անդամակցությանը, քանի որ դաշինքի ընդլայնումն ապակայունացնելու է միջազգային իրավիճակը։
Այս ժամի լուրերը՝ տեսանյութում։
