14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Ալիևը Պուտինի և Ռաիսիի ներկայությամբ կրկին խոսել է, իբր, ՀՀ տարածքով անցնող «միջանցքից»
Քաղաքականություն
29.06.2022 | 19:23
Ադրբեջանի նախագահ Իլհամ Ալիևը կրկին կեղծ հայտարարություններով է հանդես եկել, այս անգամ՝ Թուրքմենստանում ընթացող Մերձկասպյան երկրների 6-րդ գագաթնաժողովի ժամանակ։ Ադրբեջանական լրատվամիջոցների փոխանցմամբ՝ Ալիևը դարձյալ խոսել է, իբր, Հայաստանի տարածքով անցնող գոյություն չունեցող «միջանցքի» մասին։
«Պատերազմում տարած հաղթանակից և Հայաստանի հետ հակամարտության լուծումից հետո Ադրբեջանը սկսել է լայնածավալ աշխատանքներ իրականացնել Ղարաբաղի վերականգնման ուղղությամբ, այդ թվում՝ միջազգային տրանսպորտային կապերի զարգացման գործում: «Զանգեզուրի միջանցքն» արդեն իրականություն է դառնում»,- ասել է Ալիևը։
Հավելենք, որ Հայաստանն իր ինքնիշխան տարածքով միջանցքի մասին որևէ փաստաղթղթով պարտավորություն չունի։
Նշենք նաև, որ Ալիևից զատ՝ գագաթնաժողովին մասնակցում են Թուրքմենստանի նախագահ Սերդար Բերդիմուհամեդովը, Իրանի նախագահ Էբրահիմ Ռաիսին, Ղազախստանի նախագահ Կասիմ-Ժոմարտ Տոկաևը և ՌԴ նախագահ Վլադիմիր Պուտինը։
Էմմա Չոբանյան
