22.06.2026 | 21:14
Էկոնոմիկայի նախարարությունում քննարկվել են ազատ տնտեսական գոտիների գործունեության արդյունքները
Զախարովան խոսել է ՆԱՏՕ-ին Շվեդիայի և Ֆինլանդիայի անդամակցության հարցում Թուրքիայի համաձայնությունից
Քաղաքականություն
29.06.2022 | 17:00
ՌԴ ԱԳՆ պաշտոնական ներկայացուցիչ Մարիա Զախարովան մեկնաբանել է ՆԱՏՕ-ին Շվեդիայի և Ֆինլանդիայի անդամակցության հարցում Թուրքիայի համաձայնությունը։ «Սպուտնիկ»-ի եթերում նա հայտարարել է, որ «ՆԱՏՕ-ն մտրակային կարգապահությամբ կառույց է»։
«Սրանք ՆԱՏՕ-ի անդամ երկրներն են, Հյուսիսատլանտյան դաշինքը, որն ամբողջ ժամանակ ցույց է տվել իր համերաշխությունը։ Նրանք ամբողջ ժամանակ պատմում են, միասնական ճակատով են ինչ-որ բանի դիմակայում։ Մենք էլ հիմա նկատում ենք այդ միասնական ճակատը։ Իսկ այն, որ դրա անդամները մտրակային կարգապահությամբ են, որևէ մեկի մոտ երբևէ կասկած չի առաջացրել։ Ինձ թվում է, որ նրանք կրկին վերահաստատեցին բացարձակ անհետևողականությունը»,-ասել է Զախարովան։
Հավելենք, որ նախօրեին Թուրքիան, Շվեդիան ու Ֆինլանդիան կարողացան համաձայնության հասնել, որի արդյունքում Անկարան վերացրեց ՆԱՏՕ-ին Սկանդինավյան երկու երկրների անդամակցության հետ կապված իր առարկությունները։
Էմմա Չոբանյան
