10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Ուկրաինան Ռուսաստանի դեմ հայց է ներկայացրել ՄԻԵԴ
Քաղաքականություն
29.06.2022 | 14:03
Ուկրաինան Ռուսաստանի դեմ հայց է ներկայացրել Մարդու իրավունքների եվրոպական դատարան (ՄԻԵԴ)՝ Մոսկվային մեղադրելով ռազմական միջամտության և խաղաղ բնակչության վրա թիրախավորված հարձակումների մեջ՝ խախտելով միջազգային իրավունքը։ Հունիսի 28-ի երեկոյան հրապարակված դատարանի հաղորդագրության համաձայն՝ բողոքը վարույթ է ընդունվել հունիսի 23-ին, ՄԻԵԴ նախագահ Ռոբերտ Սպանոն գործը փոխանցել է դատարանի չորրորդ բաժին և այդ մասին հայտնել Ռուսաստանին։
Զեկույցում նշվում է, որ այս գործին նախորդել են ուկրաինական պետության չորս այլ դիմումներ և շուրջ 8500 անհատական բողոքներ։
Հայցը վերաբերում է Ռուսաստանի Դաշնության կողմից Ուկրաինայի տարածքում ռազմական գործողությունների ընթացքում մարդու իրավունքների զանգվածային և լուրջ խախտումներին։ Կիևի կառավարությունը մեղադրում է ռուսական զորքերին և Ռուսաստանի կողմից վերահսկվող այլ աշխարհազորայիններին հազարավոր խաղաղ բնակիչների սպանության, վիրավորելու, կալանավորելու կամ անհետ կորցնելու, հարյուր հազարավոր ունեցվածքի ոչնչացման և միլիոնավոր մարդկանց ստիպելու համար լքելու իրենց տները:
Տաթև Ֆռանգյան
