19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Ստոլտենբերգը հայտարարել է ՆԱՏՕ-ի պատմական որոշումների մասին
Քաղաքականություն
29.06.2022 | 13:24
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ Մադրիդում ՆԱՏՕ-ի գագաթնաժողովի ընթացքում, որը մեկնարկում է հունիսի 29-ին, պատմական որոշումներ կկայացվեն, փոխանցում է korrespondent-ը։
«Սա պատմական վերափոխման գագաթնաժողով կլինի մեր դաշինքի համար: Մենք հանդիպում ենք ամենամեծ ճգնաժամի ֆոնին, որին երբևէ բախվել ենք Երկրորդ համաշխարհային պատերազմից հետո: Սա կլինի փոխակերպման գագաթնաժողով, քանի որ մենք պատմական որոշումներ ենք կայացնելու»,- ասել է նա:
Մասնավորապես, գագաթնաժողովը կհաստատի դաշինքի նոր ռազմավարական հայեցակարգը, որը «կհանդիսանա ծրագիր, թե ինչպես ՆԱՏՕ-ին տանել դեպի ապագա ավելի վտանգավոր աշխարհում՝ բոլոր դաշնակիցներին պաշտպանելու համար»:
«Մենք հիմնարար փոփոխություններ կհաստատենք մեր զսպման և պաշտպանության ոլորտում՝ ավելի շատ մարտական պատրաստ ստորաբաժանումներով, ավելի արագ արձագանքման ուժերով և ավելի մեծ թվով նախապես տեղակայված սարքավորումներով: Այս գագաթնաժողովում մենք կհաստատենք Սառը պատերազմից ի վեր ամենամեծ աճը։ Նաև գագաթնաժողովում «աջակցություն կհայտնենք Ուկրաինային»»,- ասել է դաշինքի գլխավոր քարտուղարը:
«Ուրախ եմ, որ նախագահ Զելենսկին այսօր կդիմի բոլոր առաջնորդներին, և մենք կհաստատենք Ուկրաինային օգնության համապարփակ փաթեթը», – հավելել է Ստոլտենբերգը։
Տաթև Ֆռանգյան
