19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Թուրքիայում ջրհեղեղներն ու հորդառատ անձևները կաթվածահար են արել կյանքը երկրի մի շարք շրջաններում․ ԼՈՒՍԱՆԿԱՐՆԵՐ
Քաղաքականություն
28.06.2022 | 22:17
Թուրքիայի Սևծովյան տարածաշրջանում ջրհեղեղներից տուժել են Մարմարայի, Էգեյան ծովի, Միջերկրական ծովի ու Կենտրոնական Անատոլիայի շրջանները, գրում են թուրքական լրատվամիջոցները։
Օդերևութաբանական ծառայությունը նախազգուշացրել է, որ վտանգը շարունակվում է, և հայտարարել, որ Արևմտյան Սևծովյան տարածաշրջանում (Բարթին, Զոնգուլդաք, Քարաբյուկ, Կաստամոնու, Դյուզչե, Սինոպ, Սամսուն և Օրդու) սպասվում են ամպրոպ ու անձրևներ։
Նախօրեին տեղացած տեղատարափ անձրևների հետևանքով վնասված կամրջի պատճառով երթևեկության համար փակվել է Կաստամոնուի և Շենպազարի միջև մայրուղին։ Իրենց տներում արգելափակվածներին փրկել են հրշեջները:
Զոնգուլդաք քաղաքի Ալափլը թաղամասում գետի վարարման հետևանքով որոշ գրասենյակներ և տներ ջրի տակ են անցել։ Տեղատարափ անձրևն ազդել է թաղամասի կյանքի վրա։ Սաքարիայի Քոջաելի թաղամասում էլ հորդառատ անձրևի պատճառով ջրի տակ են մնացել ճանապարհները, որոշ տների առաջին հարկերը։
Բարթինում էլ արդեն երեք օր ուժգին անձրևի պատճառով քաղաքի կենտրոնով անցնող գետը վարարել է՝ հեղեղելով տների առաջին հարկերն ու գրասենյակները։
Էմմա Չոբանյան
