18.06.2026 | 13:45
Ո՞ւմ ձայներն ենք կեղծել, թող գա՛ն հրապարակ․ մի հոգի էր հացադուլ անում, երեկ դադարեցրեց. Փաշինյան․ ՏԵՍԱՆՅՈՒԹ
Էրդողանը հայտնել է, որ Թուրքիան Սիրիայում ռազմական գործողությունը կսկսի նախապատրաստական աշխատանքների ավարտից հետո
Քաղաքականություն
28.06.2022 | 15:53
Թուրքիան Սիրիայում նոր ռազմական գործողությունը կսկսի, երբ ավարտվեն այդ երկրի հետ սահմանին համապատասխան նախապատրաստական աշխատանքները։ Այս մասին հայտարարել է Թուրքիայի նախագահ Ռեջեփ Թայիփ Էրդողանը կառավարության նիստից հետո, գրում է «Անադոլու» գործակալությունը։
«Հենց որ ավարտվեն անվտանգության միջանցքում բացերի վերացման նախապատրաստական աշխատանքները, որոնք մենք սկսել ենք ստեղծել Սիրիայի հետ մեր սահմանին, մենք կսկսենք նոր գործողությունը»,- ասել է Էրդողանը։
Հավելենք, որ Թուրքիայի նախագահն ավելի վաղ ազդարարել էր Սիրիայում նոր ռազմական գործողություն սկսելու մտադրության մասին։
Մեկնաբանելով Մադրիդում կայանալիք ՆԱՏՕ-ի գագաթնաժողովը՝ Էրդողանը նշել է, որ դրա ընթացքում բոլոր անհրաժեշտ քայլերը ձեռնարկելու է՝ երկրի իրավունքներին ու շահերին համապատասխան։ Նա նաև նշել է, որ մտադիր է գագաթնաժողովի մասնակիցներին ներկայացնել փաստաթղթեր, կադրեր ու տեղեկատվություն, որոնք վկայում են «ահաբեկչական PKK/YPG և FETÖ-ի նկատմամբ որոշ երկրների կեղծավոր դիրքորոշման մասին»։
Հիշեցնենք, որ Թուրքիան դեմ է ՆԱՏՕ-ին Շվեդիայի և Ֆինլանդիայի անդամակցությանը և նրանց մեղադրում է «քուրդ ահաբեկիչներին աջակցելու մեջ»։
Էմմա Չոբանյան
