08.06.2026 | 06:48
1299 ընտրատեղամասերում քվեարկության նախնական արդյունքները․ ԿԸՀ
Խաղաղության հաստատումը չի կարող միակողմանի լինել․ Փաշինյանը՝ Թուրքիայի և Ադրբեջանի հետ խաղաղության օրակարգի մասին․ ՏԵՍԱՆՅՈւԹ
Քաղաքականություն
27.06.2022 | 21:02
Խաղաղության օրակարգը չունի այլընտրանք, սակայն այլ հարց է, թե որքանով է հնարավոր դա իրագործել։ Այսօր առցանց ասուլիսում հայտարարեց վարչապետ Նիկոլ Փաշինյանը:
«Շատ կարևոր է արձանագրել, որ խաղաղության հաստատումը չի կարող միակողմանի օրակարգ լինել, դա պետք է հանդիպակաց կառուցողական շարժում լինի:
Իմ գնահատականն այն է, որ այլընտրանք չունի։ Ինչպես ընդունված է ասել՝ սատանան մանրուքների մեջ է, այլընտրանք չունի, և նաև դա է պատճառը, որ մենք մեզնից կախված ամեն ինչ արել ենք, անում ենք և կշարունակենք անել՝ ՀՀ և մեր տարածաշրջանի համար խաղաղ զարգացման դարաշրջան բացելու համար։ Որովհետև դրա այլընտրանքը նոր պատերազմն է։
Ես օրինակներ բերեցի, թե ինչպես է Ադրբեջանն ինքը հրաժարվում գալ խոսակցության՝ հրապարակավ մեղադրելով Հայաստանին։ Սա ինչի՞ համար է արվում, իմ գնահատականը մեկն է՝ դա արվում է Հայաստանի դեմ նոր պատերազմի լեգիտիմություն ձևավորելու համար։ Մենք իլյուզիաներ չունենք Ադրբեջանի խորքային նպատակների ու մտադրությունների մասին, բայց նաև առավել ևս այդ պարագայում մեզ համար առավել սկզբունքային ու կարևոր է խաղաղության օրակարգի հետևողական, համբերատար առաջ մղումը։ Այս ճանապարհին մեզ պետք են ամուր նյարդեր, հավասարակշռվածություն, մաքսիմալ ոչ էմոցիոնալ վիճակ»,- նշեց Փաշինյանը:
Մանրամասները՝ տեսանյութում:
