17.01.2026 | 13:45
UFC-ի չեմպիոն Իլյա Տոպուրիան հայտնել է՝ երբ է վերադառնալու օկտագոն
Դավիթ Տոնոյանը դատավորից պահանջելու է ինքնաբացարկ հայտնել․ պաշտպանների հայտարարությունը
Քաղաքականություն
27.06.2022 | 20:18
ՀՀ պաշտպանության նախկին նախարար Դավիթ Տոնոյանի շահերի պաշտպանները հայտարարություն են տարածել՝ նշելով, որ Տոնոյանը պատրաստվում է դատավորից պահանջել՝ ինքնաբացարկ հայտնել։
«Դավիթ Տոնոյանի և մյուսների վերաբերյալ գործով այսօր՝ 27․06․2022 թվականին, նշանակված դատական նիստը չի կայացել, քանի որ նախագահող դատավոր Մանվել Շահվերդյանը դատական նիստից կես ժամ առաջ պետք է դեսապանատուն այցելեր։
Առաջիկա դատական նիստին Դավիթ Տոնոյանը դատավորից պահանջելու է ինքնաբացարկ հայտնել, քանի որ, խախտելով գործի քննության ողջամիտ ժամկետները, իր ծանրաբեռնվածության, դատական նիստերի դահլիճի ազատ չլինելու, վերապատրաստման դասընթացներին մասնակցելու, իր և իր ընտանիքի անդամի առողջական խնդիրների, իսկ այս անգամ էլ դեսպանատուն այցելելու պատճառաբանություններով հետաձգում է դատական նիստերը և 5 ամիս է՝ չի սկսում դատական քննություն՝ դրանով իսկ արհամարհական վերաբերմունք դրսևորելով կալանքի տակ գտնվող անձանց անձնական ազատության իրավունքի նկատմամբ»,- ասվում է հայտարարությունում։
