31.03.2026 | 13:37
Իսրայելն ընդունել է ահաբեկչության համար դատապարտված պաղեստինցիներին մահապատժի ենթարկելու մասին վիճահարույց օրենքը
Սերժ Սարգսյանը հրաժարականից օրեր առաջ չի ընդունել բնապահպանական և քաղաքաշինական հիմնախնդիրների մասին մասնագետի դժգոհությունները
Հասարակություն
10.05.2018 | 17:25
«Այս բոլոր տարիներին մեզ մոտ մի խումբ մարդկանց հարստացումն է եղել առաջնայինը, իսկ երկրի շահերը երկրորդվել են»,- այսօր լրագրողների հետ հանդիպմանը նշեց բնապահպան Կարինե Դանիելյանը՝ շարունակելով․ «Իսկ որտե՞ղ կարելի էր արագ հարստանալ՝ հանքարդյունաբերության և քաղաքաշինության մեջ։ Ես մեծ կոնֆլիկտ ունեմ առողջապահության նախարարության հետ, բնապահպանության նախարարության հետ, և այդ խնդիրների մասին ես ներկայացրել եմ Սերժ Սարգսյանին՝ նրա հրաժարականից մեկ շաբաթ առաջ՝ երբ հանդիպում եղավ Հանրային խորհրդի և նրա հետ։ Նա բոլորովին չընդունեց և մեծ կոնֆլիկտ եղավ։ Ես ստիպված եղա ասել, որ երբ առողջապահության և բնապահպանության նախարարությունները դա ձեզ ասեն՝ արդեն շատ ուշ կլինի»։
Բնապահպանը նկատեց, որ այսօր առողջապահության նախարարությունը արձանագրում է մարդկանց առողջությանը սպառնացող տարբեր խնդիրներ՝ ծխելը, խմելը և այլն, սակայն հանքարդյունաբերության հետևանքով Հայաստանի տարբեր հատվածներում մարդկանց կյանքի համար առաջացած լուրջ վտանգները շարունակում են անտեսվել գերատեսչության կողմից։ Կարինե Դանիելյանը հույս հայտնեց, որ նոր կառավարությունը կընկալի էկոլոգիական և քաղաքաշինական հիմնախնդիրների լրջությունը և լուրջ քայլեր կձեռնարկի դրանց լուծման ուղղությամբ։ Նա նշեց, որ նոր նշանակումներ կատարելիս շատ կարևոր է հաշվի առնել կադրերի փորձառությունը և մասնագիտական հմտությունները։
Մանրամասները՝ տեսանյութում
