09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ֆինների 70 տոկոսը չի սատարում երկրի օրենսդրության փոփոխությունները՝ ՆԱՏՕ-ին միանալու հարցում Թուրքիայի պահանջները բավարարելու համար
Քաղաքականություն
27.06.2022 | 22:53
Ֆինլանդիայի քաղաքացիների մեծ մասը կարծում է, որ երկիրը չպետք է հրաժարվի իր սկզբունքներից՝ ՆԱՏՕ-ին անդամակցելու հարցում Թուրքիայի պահանջները բավարարելու համար, գրում է swissinfo-ն։
«Ֆինների 70 տոկոսը կարծում է, որ Ֆինլանդիան չպետք է փոխի իր օրենսդրությունը կամ հրաժարվի իր սկզբունքներից Թուրքիայի կողմից առաջադրված պահանջների պատճառով։ Մոտ 14 տոկոսը հնարավոր է համարում զիջումները, որին Ֆինլանդիան կարող է գնալ, մյուսները դեռ հստակ կարծիք չունեն»,- ասվում է Kantar TNS-ի կողմից անցկացված հանրային կարծիքի ուսումնասիրությունում։
Միաժամանակ, հարցվածների 79 տոկոսն աջակցում է երկրի՝ ՆԱՏՕ-ին անդամակցությանը, 11 տոկոսը դեմ է, 10 տոկոսը դեռ չի կողմնորոշվել։ ՆԱՏՕ-ին անդամակցությանն աջակցությունն աճել է բնակչության գրեթե բոլոր շերտերի և տարբեր քաղաքական կազմակերպությունների անդամների մեծամասնության շրջանում:
Նախորդ հարցման ժամանակ, որն անցկացվել էր մայիսի սկզբին, ՆԱՏՕ-ին անդամակցությանն աջակցությունը կազմում էր 73 տոկոս, որը նույնպես այն ժամանակ ամենաբարձրն էր։
Էմմա Չոբանյան
