19.04.2026 | 17:41
Կապամոնտաժվի Սյունիքի մարզի Մեղրի քաղաքի ջրի մաքրման կայանը, կկառուցվի նորը
Իմ ստաժը հերիքում է Վճռաբեկ դատարանի դատավորի պաշտոնին հավակնելու․ դատավորի թեկնածուն՝ պատգամավորին
Քաղաքականություն
27.06.2022 | 14:37
«Կարծում եմ՝ իմ ստաժը հերիքում է Վճռաբեկ դատարանի դատավորի պաշտոնին հավակնելու»,- այս մասին ԱԺ արտահերթ նիստում նշեց Վճռաբեկ դատարանի դատավորի թեկնածու Հակոբ Գրիգորյանը՝ անդրադառնալով «Քաղաքացիական պայմանագիր» խմբակցության պատգամավոր Սերգեյ Բագրատյանի դիտարկմանը, որ դատական համակարգում որևէ փորձ չունենալով՝ Գրիգորյանը ցանկանում է մասնակցել Վճռաբեկ դատարանի Վարչական պալատի դատավորի ընտրության մրցույթին:
«Եթե տարիներ առաջ լիներ, առաջին ատյանի դատավորի պաշտոնին կհավակնեի, բայց ասեմ նաև, որ լինելով փաստաբան, լինելով խոշոր ընկերության ավագ իրավախորհրդատու, բազմաթիվ դատական ակտերի դեմ բողոքներ եմ ներկայացրել և հասել արդյունքի: Ստացվում է, որ չլինելով դատավոր, ես կարողացել եմ այնպես անել, որ դատավորի կայացրած ակտը փոփոխության ենթարկվի: Եվ քննիչի գործողությունների բողոքարկումներ եմ շատ ունեցել, նաև ԴԱՀԿ-ի և այլն: Ավելի քան 20 տարվա փորձը, կարծում եմ, ամեն ինչ ասում է»,- նշեց Գրիգորյանը:
Մանրամասները՝ տեսանյութում:
