09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Վարանդայում ադրբեջանցի ոստիկանության սերժանտը պայթել է ականի վրա
Քաղաքականություն
27.06.2022 | 23:30
Արցախի գրավյալ տարածքներում ականի վրա պայթելու հերթական դեպքն է տեղի ունեցել։ Ադրբեջանական լրատվամիջոցները հայտնում են, որ Վարանդայում ոստիկանության սերժանտը պայթել է ականի վրա։
Հաղորդվում է, որ հունիսի 26-ին ժամը 21:00-ի սահմաններում հակահետևակային ականի վրա պայթելու հետևանքով տարբեր աստիճանի վնասվածքներ է ստացել 1989 թվականին ծնված ոստիկանության սերժանտ Իլհամ Սալմանովը։ Նա ծառայության մեջ է եղել Վարանդայի գյուղերից մեկում։ Սալմանովը հոսպիտալացվել է, ոտքն անդամահատվել է։
Դեպքի առթիվ կատարվում է քննություն։
Հավելենք, որ ավելի վաղ Բաքուն հայտնել էր, որ Արցախի գրավյալ տարածքներում 2020 թվականի նոյեմբերից ի վեր ականի վրա պայթել է 223 մարդ, որից 39-ը մահացել է, 184-ը՝ վիրավորում ստացել։
Էմմա Չոբանյան
