06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Ջհանգիրյանի և Վարդազարյանի ձայնագրությունը ինձ թույլ չեմ տվել լսել. Արտակ Զեյնալյան․ ՏԵՍԱՆՅՈՒԹ
Քաղաքականություն
27.06.2022 | 12:24
«Իրավական գործընթաց է գնում ու ես, որպես դատավորի թեկնածու, պարտավոր եմ դիրքորոշում չհայտնել», – Ազգային ժողովում լրագրողների հետ զրույցում նշեց Վճռաբեկ դատարանի վարչական պալատի դատավորի թափուր տեղի համար առաջադրված Արտակ Զեյնալյանը՝ անդրադառնալով հարցին, թե ինչպես է գնահատում ԲԴԽ նախկին նախագահ Ռուբեն Վարդազարյանի հրապարակած ձայնագրությունը:
Զեյնալյանն ընդգծեց, որ իրեն թույլ չի տվել լսել այդ ձայնագրությունը. «Ես ինձ թույլ չեմ տալիս նմանատիպ ձայնագրություններ լսել: Դատավորի էթիկայի կանոնները տարածվում են նաև դատավորի թեկնածուի վրա, և որպես դատավորի թեկնածու ես պարտավոր եմ դիրքորոշում չհայտնել»:
Հիշեցնենք՝ Բարձրագույն դատական խորհրդի՝ լիազորությունները կասեցված նախագահ Ռուբեն Վարդազարյանը օրեր առաջ լրագրողների հետ հանդիպմանը բացառիկ ձայնագրություն հրապարակեց իր, ԲԴԽ նախագահի պարտականությունները կատարող Գագիկ Ջհանգիրյանի և ԲԴԽ անդամ Ստեփան Միքայելյանի՝ 2021 թվականի փետրվարի 20-ին տեղի ունեցած զրույցից, որտեղ Ջհանգիրյանը Վարդազարյանին հորդորում է հրաժարական ներկայացնել և քաղաքական հայտարարություններ է անում:
ՀՀ գլխավոր դատախազությունն անդրադարձել է թեմային՝ հայտարարելով, որ ձայնագրությունն ուղարկվել է ՀՀ քննչական կոմիտե։
Մանրամասները՝ տեսանյութում:
