08.08.2026 | 16:10
Քրեական վարույթի շրջանակում անձի անձնական և ընտանեկան կյանքին առնչվող տվյալների անհարկի հրապարակումն անթույլատրելի է. ՄԻՊ
«Այն, որ այս օրերին արյուն չթափվեց, դա լրագրողների շնորհիվ է»․ Հովհաննես Իգիթյան. ՏԵՍԱՆՅՈՒԹ
Քաղաքականություն
10.05.2018 | 15:57
«Այն, որ այս օրերին արյուն չթափվեց, դա լրագրողների շնորհիվ է, այն լրատվական միջոցների, որոնք միլիմետր առ միլիմետր ուղիղ եթերով ցույց էին տալիս կատարվողը։ Եվ թող չասեն, թե իշխանությունները գտնվեցին բարի։ Ո՛չ, նրանք վախեցան, որ ամբողջ աշխարհը, շնորհիվ այդ ուղիղ եթերների, կտեսնի, որ Հայաստանում անօրինական ձևով խաղաղ ցուցարարների դեմ օգտագործում են այն զենքը, որը սովորաբար օգտագործում են տեռորիստների դեմ»,- այսօր լրագրողների հետ զրույցում անդրադառնալով հեղափոխության հաղթանակին՝ նշեց միջազգային փորձագետ, ԱԺ արտաքին հարաբերությունների հանձնաժողովի նախկին նախագահ Հովհաննես Իգիթյանը։
Բանախոսն ընդգծեց՝ ևս մեկ անգամ ապացուցվեց, որ Հայաստանում բոլոր իշխանություններից ամենակայացածը չորրորդ իշխանությունն է, և դա տեղի է ունեցել ոչ թե իշխանության շնորհիվ, այլ ի հեճուկս։
Իգիթյանն անդրադարձավ նաև կատարվածի միջազգային արձագանքին․ «Վերջին 30 տարիների ընթացքում սա առաջին անգամ էր, որ Հայաստանը ամբողջ աշխարհի հայտնի լրատվական միջոցներում, որպես թոփնյուզ, եղել է մի քանի շաբաթ։ Ընդ որում, եղել է ոչ թե 88թ․-ի նման ողբերգական առիթով՝ երկրաշարժի կապակցությամբ, այլ եղել է բացառապես դրական շեշտադրումներով։ Տարբեր ուժեր փորձում էին կատարվածում գտնել տարբեր դրսի հետքեր, օտար ուժերի միջամտություններ՝ փորձելով վարկաբեկել առկա բացառիկ դրական մթնոլորտը, սակայն մենք այսօր տեսնում ենք, որ բոլոր ազդեցիկ միջազգային կազմակերպություններից և քաղաքական բևեռներից մենք ունենք դրական մոտեցում։ Բոլորն են Հայաստանում հասկացել, որ դա կարևոր է, չի հասկացել միայն այն քաղաքական ուժը, որը իրեն համարում էր իշխանություն և մեծամասնություն խորհրդարանում»։
Մանրամասները՝ տեսանյութում:
