19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Թուրքիան ՌԴ-ի դեմ պատժամիջոցներ չի կիրառում էներգետիկ կախվածության պատճառով․ Քալըն
Քաղաքականություն
27.06.2022 | 13:29
Ռուսաստանի դեմ պատժամիջոցների կիրառումն ավելի շատ վնաս կհասցնի թուրքական տնտեսությանը, քան ռուսականին։ Այս մասին հայտարարել է Թուրքիայի նախագահի ներկայացուցիչ Իբրահիմ Քալընը, փոխանցում է VOA-ն։
Անկարան պաշտպանում է իր շահերը, հետևաբար, չի միացել այն սահմանափակումներին, որոնք շատ երկրներ սահմանել են Ռուսաստանի դեմ Ուկրաինայի վրա հարձակումից հետո։ Ըստ Քալընի՝ Արեւմուտքը հասկացել է այս դիրքորոշումը։
Անկարայի ներկայացուցիչն ընդգծել է, որ Թուրքիան կախված է էներգակիրների արտասահմանյան աղբյուրներից, ուստի «Ռուսաստանի հետ հարաբերությունները զարգացնում է այնպես, ինչպես Իրանի հետ»։
Արևմտյան երկրները պատժամիջոցների վեց փաթեթ են կիրառել Ռուսաստանի դեմ՝ Ուկրաինայի տարածք զինված ներխուժումից հետո։ Որոշ երկրներում նաև էմբարգո է դրել ռուսական էներգետիկ ռեսուրսների վրա:
Տաթև Ֆռանգյան
