09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Պարեկները վերջին մի քանի օրում հայտնաբերել են փայտանյութով բեռնված 10-ից ավելի տրանսպորտային միջոց
Հասարակություն
25.06.2022 | 19:25
ՀՀ ոստիկանությունից տեղեկացնում են, որ Լոռու պարեկները միայն վերջին մի քանի օրվա ընթացքում հայտնաբերել են տարբեր մակնիշի 10-ից ավելի տրանսպորտային միջոց, որոնք բեռնված են եղել տարբեր ծավալի փայտանյութով։
«Վարորդները բեռի օրինականությունը հաստատող որևէ փաստաթուղթ չեն ներկայացրել։ Տարբեր տեսակի ծառերի հատումից պատրաստված փայտանյութը, մեքենաներով հանդերձ, տեղափոխվել են Լոռու մարզային վարչության տարածքային բաժինների պահպանվող հատուկ տարածքներ։ Նշանակվել են մասնագիտական ստուգումներ։ Դեպքերի ուսումնասիրությունները փաստում են, որ ապօրինի փայտանյութով բեռնված մեքենաները հայտնաբերվում են հիմնականում երեկոյան ժամերին։ Այս հանգամանքն իր հերթին փաստում է, որ վարորդներին թվում է, թե բռնվելու տեսանկյունից ավելի ապահով է փայտանյութը երեկոյան տեղափոխել։ Հիշեցնում ենք, որ պարեկների ծառայությունը շուրջօրյա է, և օրվա ցանկացած ժամի նույնն են նաև աչալրջությունն ու հետևողականությունը։ Նաև հորդորում ենք խնայել բնությունը։
Միջոցառումները շարունակվում են»,- ասված է հաղորդագրության մեջ։
