Քաղաքականություն
10.05.2018 | 13:31
Թուրքիայի նախագահ Ռեջեփ Թայիփ Էրդողանը դատապարտել է Դոնալդ Թրամփին, ով հայտարարել էր Իրանի հետ միջուկային հարցերի շուրջ համաձայնագրից դուրս գալու մասին. փոխանցում է ermenihaber-ը:
Էրդողանի խոսքերով՝ այդ որոշումը վնաս կհասցնի ոչ միայն տարածաշրջանին, այլև համաշխարհային տնտեսությանը։
«Պարտվողը լինելու է ԱՄՆ-ն, որովհետև նրանք հետ են կանգնում իրենց իսկ կողմից ստորագրված պայմանագրից։ Դուք ձեր ուզած ժամանակ միջազգային պայմանագրեր եք ստորագրում, բայց ձեր ուզած ժամանակ էլ դուրս եք գալիս այդ պայմանագրերից։ Չի կարող նման բան լինել»,-ասել է Էրդողանը։
Վերոնշյալ համաձայնագրից դուրս գալով` Վաշինգտոնը փաստացի սպառնում է վերականգնել Իրանի նկատմամբ տարիներ շարունակ կիրառված պատժամիջոցները։
