09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
ՔՊ-ականները խուսափում են Ջհանգիրյանի մասնակցությամբ միջադեպին գնահատական տալ. ՏԵՍԱՆՅՈւԹ
Քաղաքականություն
24.06.2022 | 20:11
«Քաղաքացիական պայմանագիր» խմբակցության պատգամավորները ԲԴԽ նախագահի պաշտոնակատար Գագիկ Ջհանգիրյանի մասնակցությամբ զրույցի աղմկահարույց ձայնագրությանն առնչվող հարցերը գրեթե անպատասխան են թողնում։ Պարզվեց՝ կան պատգամավորներ, որ նույնիսկ քննարկման թոփ թեմա դարձած ձայնագրությունը չեն լսել։
ՔՊ-ականները Ջհանգիրյանի՝ Հանրային հեռուստաալիքին երեկ երեկոյան տված հարցազրույցում ներկայացրած պարզաբանումները բավարար են համարում, իսկ հրաժարականի մասին հարցը լսում ու չեն պատասխանում։
«Ջհանգիրյանն առաջարկեց, որ համապատասխան մարմինները ձեռք բերեն զրույցի ձայնագրության ամբողջական տարբերակը, որպեսզի հասկանալի լինի՝ ինչ է տեղի ունեցել: Ուսումնասիրություններից ու փորձաքննությունից հետո միայն կարող ենք խոսել այդ ձայնագրության մասին»,- նշեց «Քաղաքացիական պայմանագիր» խմբակցության պատգամավոր Անդրանիկ Քոչարյանը:
Հիշեցնենք՝ օրեր առաջ ԲԴԽ նախկին նախագահ Ռուբեն Վարդազարյանը հրապարակեց ձայնագրություն, որտեղ ԲԴԽ նախագահի պաշտոնակատար Գագիկ Ջհանգիրյանն իրեն հորդորում է հրաժարական տալ և խոսում է քրեական գործերի ընթացքին միջամտելու մասին։
Մանրամասները՝ տեսանյութում։
