18.05.2026 | 23:17
Ռոբոտ-վանականները Սեուլում մասնակցել են Լոտոսի լապտերների փառատոնի շքերթին. ՏԵՍԱՆՅՈՒԹ
Թուրքիան և Իսրայելը պատրաստվում են վերականգնել դիվանագիտական հարաբերությունները դեսպանների մակարդակով
Քաղաքականություն
24.06.2022 | 16:28
Թուրքիան և Իսրայելը պատրաստվում են վերականգնել դիվանագիտական հարաբերությունները դեսպանների մակարդակով և այդ ուղղությամբ աշխատանք արդեն տարվում է։ Այս մասին հայտնել է Թուրքիայի ԱԳ նախարար Մևլութ Չավուշօղլուն Իսրայելի ԱԳ նախարար Յաիր Լապիդի հետ Անկարայում կայացած մամուլի ասուլիսում, գրում է «Անադոլու» գործակալությունը։
Թուրք նախարարի խոսքով՝ Անկարայի և Թել Ավիվի միջև դրական երկխոսությունը շարունակվում է, մոտ ապագայում նախատեսվում են երկու երկրների բարձրաստիճան պատվիրակությունների այցեր։ Չավուշօղլուն նաև նշել է, որ Թուրքիայի ու Իսրայելի միջև համագործակցության հաջող ոլորտներից մեկն անվտանգությունն է։
«Թուրքիան և Իսրայելը անընդհատ հետախուզական տեղեկություններով են փոխանակվում։ Այդ հարցը քննարկվել է նաև նախագահների մակարդակով։ Անվտանգության կառույցները մշտական կապի մեջ են»,- ասել է նա՝ հավելելով, որ Անկարան թույլ չի տա իր տարածքում օտարերկրյա քաղաքացիների նկատմամբ որևէ սպառնալիք։
«Մենք թույլ չենք տա Թուրքիայում ինչ-որ հաշիվների մաքրում կամ ահաբեկչություն։ Համապատասխան ուղերձներն արդեն տրված են»,- ասել է Չավուշօղլուն՝ մեկնաբանելով Թուրքիայում Իսրայելի քաղաքացիների նկատմամբ ահաբեկչական սպառնալիքի մասին տեղեկությունները։
Էմմա Չոբանյան
