09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
ԱՄՆ-ն Ուկրաինային լրացուցիչ 450 մլն դոլարի ռազմական օգնություն կտրամադրի
Քաղաքականություն
24.06.2022 | 10:56
Սպիտակ տան Ազգային անվտանգության խորհրդի (ԱԱԽ) ռազմավարական հաղորդակցությունների համակարգող Ջոն Քիրբին հայտարարել է, որ ԱՄՆ-ն Ուկրաինային լրացուցիչ 450 մլն դոլարի ռազմական օգնություն կտրամադրի, տեղեկացնում է Reuters-ը։
Քիրբիի խոսքով՝ օգնության հաջորդ փաթեթը կներառի զենք ու տեխնիկա։ Կիևը կստանա նոր բազմակի արձակման հրթիռային համակարգեր (MLRS) HIMARS (High Mobility Artillery Rocket System) և տասնյակ հազարավոր արկեր հրետանային համակարգերի համար։ Բացի այդ, ԱՄՆ-ը 18 պարեկային նավ կմատակարարի Ուկրաինային օգնելու պաշտպանել իր ափերն ու ջրային ուղիները։
Սպիտակ տան հաշվարկներով՝ Ջո Բայդենի նախագահության սկզբից ի վեր ԱՄՆ-ի ռազմական օգնության ընդհանուր ծավալը կազմել է մոտ 6,8 մլրդ դոլար։ Ընդ որում, այդ միջոցների զգալի մասը հատկացվել է 2022 թվականի փետրվարի 24-ից հետո, երբ ՌԴ նախագահ Վլադիմիր Պուտինը ռազմական գործողություններ սկսեց Ուկրաինայում։
Տաթև Ֆռանգյան
