09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Իսրայելի ԱԳ նախարարը հայտնել է, որ Ստամբուլում կանխվել են իսրայելցիների դեմ հարձակումները
Քաղաքականություն
23.06.2022 | 22:32
Թուրքական հետախուզությունը կանխել է Ստամբուլում իսրայելցիների դեմ ահաբեկչությունը։ Այս մասին հայտարարել է Իսրայելի արտգործնախարար Յաիր Լապիդը Անկարայում Թուրքիայի ԱԳ նախարար Մևլութ Չավուշօղլուի հետ համատեղ ասուլիսի ժամանակ, գրում է ՌԻԱ Նովոստին։
Լապիդն ահաբեկչության կազմակերպման համար մեղադրել է Իրանին։
«Վերջին շաբաթների ընթացքում Իսրայելի քաղաքացիների կյանքը փրկվել է Իսրայելի և Թուրքիայի միջև անվտանգության և դիվանագիտական համագործակցության շնորհիվ։ Հենց այսօր հրապարակվել է, որ թուրքական հետախուզությունը վերջերս բացահայտել է Ստամբուլում իրանական դավադրությունը։ Եվ այդ ջանքերը շարունակվում են։ Մենք լի ենք երախտագիտությամբ թուրքական կառավարության հանդեպ՝ այս պրոֆեսիոնալ և համակարգված գործունեության համար»,-ասել է Լապիդը։
Օրերս էլ Իսրայելի ԱԳՆ-ն կոչ էր արել իսրայելցիներին Թուրքիա չմեկնել, իսկ այնտեղ գտնվողներին՝ անհապաղ վերադառնալ տուն։ Հավելենք, որ Իրանի Հեղափոխության պահապանների կորպուսը փորձում է թիրախավորել իսրայելցիներին արտասահմանում, որպեսզի վրեժխնդիր լինի «Քուդս» ջոկատի գնդապետ Սայյադ Խուդայիի սպանության համար, որին Իսրայելը մեղադրում է արտերկրում իսրայելցիների դեմ սպանությունների պատասխանատու ստորաբաժանումը ղեկավարելու մեջ:
Էմմա Չոբանյան
