26.11.2024 | 10:49
Լարսը փակ է բեռնատարների համար
Ուկրաինայի ՊՆ ղեկավարը հայտնել է ամերիկյան HIMARS համակարգերի ժամանման մասին
Քաղաքականություն
23.06.2022 | 17:55
Ուկրաինայի ՊՆ ղեկավար Ալեքսեյ Ռեզնիկովը հայտնել է, որ ամերիկյան HIMARS բազմակի հրթիռային համակարգերի խմբաքանակը ժամանել է Ուկրաինա, գրում է BBC-ի ռուսական ծառայությունը։
«Շնորհակալություն իմ ամերիկացի գործընկեր ու ընկեր, պաշտպանության նախարար Լլոյդ Օսթինին՝ այս հզոր գործիքների համար։ Ռուս զավթիչների համար ամառը թեժ է լինելու, իսկ որոշների համար՝ վերջինը»,- գրել է Ռեզնիկովը Twitter-ի իր էջում։
Հավելենք, որ ԱՄՆ-ը համաձայնել էր Ուկրաինային փոխանցել մի քանի HIMARS բազմակի հրթիռային համակարգեր, որոնք ճշգրտությամբ և հեռահարությամբ գերազանցում են Ուկրաինայում ռուսական բանակի կողմից օգտագործվողներին։ Սակայն նախագահ Բայդենի վարչակազմը պայման է դրել, որ դրանք չպետք է օգտագործվեն ռուսական տարածքում գտնվող թիրախների դեմ։
Էմմա Չոբանյան
