18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Ռուսաստանը եվրոպարտատոմսերի դիմաց ռուբլով է վճարել
Քաղաքականություն
23.06.2022 | 18:51
Ռուսաստանը ռուբլով արժեկտրոններ է վճարել 2027 և 2047 թվականներին մարվող եվրապարտատոմսերի երկու թողարկումների համար՝ ընդհանուր 12,51 միլիարդ ռուբլու չափով։ Այս մասին հայտնել է ՌԴ Ֆինանսների նախարարությունը, փոխանցում է DW-ի ռուսական ծառայությունը։
Նախարարությունը հաստատել է, որ ռուբլով վճարումները կարող են փոխարկվել արտարժույթի և դուրս բերվել արտասահման։ Օտարերկրյա սեփականատերերը և եվրոպարտատոմսերի անվանական սեփականատերերը, ովքեր համաձայնում են վճարման նոր սխեմային, հետագայում պետք է գրավոր հրաժարվեն իրենց պահանջներից, նշել է ռուսական գերատեսչությունը։
Ռուսաստանի պետական պարտքի սպասարկումը բարդանում է Արևմուտքի պատժամիջոցների պատճառով, որոնք սահմանվել են՝ ի պատասխան Ուկրաինայի դեմ ռուսական ագրեսիայի: Հունիսի 22-ին ՌԴ նախագահ Վլադիմիր Պուտինը հրամանագիր է ստորագրել պետական պարտքը ռուբլով վճարելու մասին։
Տաթև Ֆռանգյան
