06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Պատերազմից հետո բանակի ռուսական մոդելն է խորանում, մտածելակերպի խնդիր կա․ Դավիթ Սանասարյան․ ՏԵՍԱՆՅՈՒԹ
Քաղաքականություն
23.06.2022 | 14:54
ՀՔԱՎ-ը կազմակերպել է «Զինված ուժերի բարեփոխումների վերաբերյալ կանաչ թուղթ» աշխատության քննարկումը, որին հրավիրված են պետական մարմինների ներկայացուցիչներ, պատգամավորներ, անվտանգության և ռազմական փորձագետներ, հասարակական կազմակերպությունների ներկայացուցիչներ:
«Պատերազմից հետո բանակի ռուսական մոդելն է խորանում, և այն, որ Զինված ուժերի Գլխավոր շտաբի պետը ենթարկվելու է պաշտպանության նախարարին և դառնալու է նրա տեղակալը, դա ևս ռուսական մոդելն է»,- այս կարծիքը հայտնեց «Ինքնիշխան Հայաստան» կուսակցության նախագահ Դավիթ Սանասարյանը:
Նրա դիտարկմամբ՝ ակնհայտ է, որ մտածելակերպի խնդիր կա: «ՊՆ-ում և ԳՇ-ում կա՞ն պատասխանատուներ, որոնք գիտակցում են, թե ինչ ռեսուրսներով պետք է իրականացնել մտածելակերպի փոփոխություն:
Ինչ վերաբերում է պատերազմից դասեր քաղելուն, ես վստահ չեմ, որ պատերազմից դասեր քաղում են: Բանակում առկա անպատասխանատվությունը չի ներշնչում, որ դասեր քաղելու գիտակցումը կա»,- նշեց Սանասարյանը:
Մանրամասները՝ տեսանյութում:
