17.01.2026 | 12:14
«Կայուն»-ից դեպի «դրական». Fitch Ratings-ը բարձրացրել է Հայաստանի վարկանիշի հեռանկարը
Մեծ Բրիտանիան հայտարարել է ՌԴ-ի դեմ նոր պատժամիջոցներ սահմանելու մասին
Քաղաքականություն
23.06.2022 | 15:45
Լոնդոնը նոր պատժամիջոցներ է սահմանել Մոսկվայի դեմ։ Մասնավորապես, Մեծ Բրիտանիան արգելում է ֆունտ սթեռլինգի և ԵՄ երկրների թղթադրամների արտահանումը Ռուսաստանի Դաշնություն, արգելում է ինքնաթիռների վառելիքի արտահանումը։ Այս մասին ասվում է բրիտանական կառավարության տարածած հաղորդագրության մեջ, գրում է Ինտերֆաքսը։
Նոր միջոցները ներառում են «Ռուսաստան ինքնաթիռի վառելիքի և վառելիքի հավելումների արտահանման կամ օգտագործման արգելք»։
Արգելք է մտցվում նաև Ռուսաստան ֆունտ սթեռլինգով արտահայտված թղթադրամների և ԵՄ երկրների թղթադրամների արտահանման կամ օգտագործման, Ռուսաստանի հետ կապված անձանց նման թղթադրամների տրամադրման կամ առաքման և Ռուսաստանի Դաշնությունում դրանց օգտագործման համար»:
Բացի այդ, ընդլայնվել են Ռուսաստանի նկատմամբ սահմանափակող միջոցները տեխնիկական սպասարկման, ֆինանսական ծառայությունների և միջնորդական ծառայությունների ոլորտում՝ կապված երկաթի և պողպատի ներմուծման հետ։ Լրացուցիչ սահմանափակումներ են մտցվում նավթավերամշակման արդյունաբերության՝ արդյունաբերության կարևորագույն արտադրանքի հետ կապված ապրանքների և տեխնոլոգիաների արտահանման վրա։
Էմմա Չոբանյան
