19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Ստոլտենբերգը ցանկանում է, որ Ֆինլանդիան և Շվեդիան շուտ միանան ՆԱՏՕ-ին, սակայն դա չի կարող երաշխավորել
Քաղաքականություն
23.06.2022 | 17:11
ՆԱՏՕ-ի գլխավոր քարտուղար Յենս Ստոլտենբերգը նպատակ ունի Ֆինլանդիային և Շվեդիային շուտ ներառել դաշինքում՝ չնայած Թուրքիայի առարկություններին, սակայն զգուշացրել է, որ չի կարող երաշխավորել՝ դա շատ արագ անել, գրում է POLITICO-ն։
ՆԱՏՕ-ի ղեկավարը նշել է, որ չնայած երեք երկրների միջև բանակցությունները շարունակվում են, լուծումը դեռևս չի գտնվել՝ Մադրիդում սպասվելիք գագաթնաժողովի մեկնարկից մեկ շաբաթ առաջ:
«Իմ նպատակն է՝ համոզվել, որ Շվեդիան և Ֆինլանդիան կարող են շուտով միանալ։ Ես չեմ կարող երաշխավորել, բայց ես ասում եմ, որ դա իմ նպատակն է»,- ասել է Ստոլտենբերգը:
ՆԱՏՕ-ի ղեկավարները պատրաստվում են հաջորդ շաբաթ ստորագրել հիմնական որոշումները, ներառյալ՝ ուժեղացված ներկայությունն արևելյան թևերում և երկարաժամկետ ռազմավարության նորացված փաստաթուղթը: Սակայն գագաթնաժողովից ընդամենը մի քանի օր առաջ Ֆինլանդիայի և Շվեդիայի՝ դաշինքին միանալու հայտերի հարցը դեռևս չի լուծվել։
«Առաջին անգամ չէ, որ մենք տեսնում ենք, որ մեկ կամ մի քանի դաշնակիցներ համաձայն չեն մնացածի հետ»,- ասել է Ստոլտենբերգը՝ լավատեսություն հայտնելով, որ Անկարայի ընդդիմանալը չի խանգարի Հելսինկիին և Ստոկհոլմին, ի վերջո, միանալ ՆԱՏՕ-ին։
Էմմա Չոբանյան
