28.06.2026 | 20:00
«Կյանքս կտամ», քարսիթ՝ ոչ. ինչու են ճանապարհին երեխաներ մահանում․ ՏԵՍԱՆՅՈւԹ
Իրանի և ՌԴ ԱԳ նախարարները Թեհրանում քննարկել են երկկողմ համագործակցության վերաբերյալ նոր համաձայնագիրը
Քաղաքականություն
23.06.2022 | 17:37
Իրանի արտաքին գործերի նախարար Հոսեյն Ամիր Աբդոլլահիանը հայտարարել է, որ Ռուսաստանի արտգործնախարար Սերգեյ Լավրովի հետ բանակցությունները լավ են անցել, մտքեր են փոխանակվել Թեհրանի և Մոսկվայի միջև նոր համաձայնագրի շուրջ, փոսխանցում է ՌԻԱ Նովոստին։
«Մենք շատ լավ բանակցություններ ունեցանք պարոն Լավրովի հետ, քննարկեցինք երկկողմ օրակարգի, տարածաշրջանային, ինչպես նաև միջազգային օրակարգի տարբեր հարցեր»,- ասել է Աբդոլլահիանը։
Նա հավելել է, որ բանակցություններում մեծ նշանակություն է տրվել համապարփակ երկարաժամկետ և ռազմավարական համագործակցության մասին համաձայնագրի հարցին։
«Մենք ստացել ենք մեր գործընկերների կարծիքները ՌԴ ԱԳՆ-ից, ինչպես նաև Ռուսաստանի Դաշնության այլ գերատեսչություններից: Հուսով ենք, որ շուտով կկարողանանք փորձագիտական հանդիպում անցկացնել՝ վերջնական տեսքի բերելու այս համաձայնագրի բովանդակությունը՝ խորհրդարաններում այս փաստաթղթի հետագա վավերացմամբ»,- հավելել է իրանցի պաշտոնյան։
Տաթև Ֆռանգյան
