28.07.2026 | 11:55
Վերացվել է «Թամարայի» երեք արտադրատեսակի արտադրության կասեցումը․ դրանք անվտանգ են ճանաչվել
Ադրբեջանում հորդառատ անձրևները մի շարք շրջաններում ջրհեղեղներ են առաջացրել․ հեղեղը քշել է մեքենաներ, ավերել շինություններ
Քաղաքականություն
23.06.2022 | 21:47
Ադրբեջանում նախօրեին տեղացած հորդառատ անձրևը երկրի մի շարք շրջաններում հեղեղների պատճառ է դարձել։ Ադրբեջանական լրատվամիջոցները հայտնում են, որ տեղումները մեծ վնաս են հասցրել հատկապես Գերանբոյի շրջանին։ Ամենից շատ տուժել է Աղջաքենդ գյուղը, որտեղ հեղեղներն ավերել են մի շարք շինություններ, վնաս հասցրել տներին ու ավտոմեքենաներին։
Համացանցում տարածվել են հեղեղի տեսանյութերը, որտեղ երևում է, որ այն ավերում է կառույցներ, քշում ավտոմեքենաներ։ Նախնական տվյալներով՝ մարդիկ չեն տուժել, սատկել են ընտանի կենդանիներ, ավերվել են մի շարք կենցաղային շինություններ, հեղեղը լցվել է բնակարաններ, ճանապարհներն անանցանելի են դարձել, էլեկտրասյուներ են քանդվել։
Տեղական ԶԼՄ-ը հայտնում են, որ Գանձակում ևս ուժեղ անձրևը խնդիրներ է առաջացրել, մասնավորապես, հեղեղվել են տների բակերը։ Գեդաբեկի շրջանում ևս հեղեղներ են եղել։
Ադրբեջանի ԱԻՆ-ի տվյալներով՝ միջոցներ են ձեռնարկվում հասցված վնասը գնահատելու և հետևանքները վերացնելու համար։
Էմմա Չոբանյան
