15.12.2025 | 11:49
Հայաստանն օգնություն է խնդրել ԵՄ-ից՝ ընտրություններում արտաքին միջամտությունից պաշտպանվելու համար. Կալաս
ԵՄ-ն պատրաստվում է ռեկորդային ժամանակում հաստատել Ուկրաինայի թեկնածուի կարգավիճակը
Քաղաքականություն
23.06.2022 | 14:10
Բրյուսելում այսօր կայանալիք գագաթնաժողովում եվրոպական 27 երկրներ պետք է հավանություն տան Ուկրաինային ԵՄ անդամությանն թեկնածու երկրի կարգավիճակ տրամադրելուն։ Եվրահանձնաժողովը հավանություն է տվել նրա դիմումին անցյալ շաբաթ, գրում է BBC-ի ռուսական ծառայությունը։
Եթե Ուկրաինան իսկապես ստանա թեկնածու երկրի կարգավիճակ, դա կլինի այդ հարցով պատմության մեջ ամենաարագ որոշումը։
Ուկրաինան ԵՄ-ին անհապաղ անդամակցության հայտ է ներկայացրել փետրվարին՝ իր տարածք ռուսական ներխուժումն սկսելուց օրեր անց։ Այդ ժամանակից ի վեր գործընթացը զարգացել է ռեկորդային տեմպերով։
Գագաթնաժողովի նախօրեին Ուկրաինայի նախագահ Վլադիմիր Զելենսկին երեկոյան ելույթում խոսել է իր «հեռախոսային մարաթոնի» մասին, որի ընթացքում զրուցել է եվրոպական 11 երկրների ղեկավարների հետ և շնորհակալություն հայտնել աջակցության համար։
«Սպասում ենք առանցքային եվրոպական որոշմանը, սպասում ենք վաղվա երեկոյին։ Դրան ընդամենը մի քանի ժամ է մնացել»,- ասել է Ուկրաինայի նախագահը։
Տաթև Ֆռանգյան
