19.08.2026 | 23:15
Նոր տոն․ հունիսի 23-ը նշվելու է որպես Հանրային ծառայողի օր
Ուկրաինայում պատերազմը երկարատև է լինելու․ ՆԱՏՕ-ի երկրները պատրաստ են զենք մատակարարել. Ստոլտենբերգ
Քաղաքականություն
23.06.2022 | 13:44
ՆԱՏՕ-ի գլխավոր քարտուղար Յենս Ստոլտենբերգը հայտարարել է, որ դաշինքի երկրները կարող են շարունակել Ուկրաինային զենք մատակարարել այնքան, որքան անհրաժեշտ է։ Այս մասին գրում է Unian-ը։
Նա նաև ընդգծել է, որ պատերազմն Ուկրաինայում երկարատև է լինելու։
Ստոլտենբերգի խոսքով՝ ՆԱՏՕ-ի դաշնակիցները «քաղաքական և բարոյական պարտավորություն ունեն»՝ չդադարեցնել զենքի մատակարարումը։
«Մենք պետք է մատակարարենք ժամանակակից սպառազինություն, ծանր սպառազինություն, ինչպես արել են ՆԱՏՕ-ի դաշնակիցները երկար ժամանակ, ինչպես նաև ՆԱՏՕ-ն պետք է աջակցության ցուցաբերման հարցում որոշակի դեր խաղա»,-ասել է Ստոլտենբերգը։
Նա հավելել է, որ պատերազմ Ուկրաինայում փաստացի սկսվել է 2014 թվականին, երբ Ռուսաստանը «բռնակցել է Ղրիմն ու աջակցել Ուկրաինայի արևելքի զինյալներին»։
Էմմա Չոբանյան
