28.06.2026 | 18:42
Սաուդյան Արաբիայում ուղղաթիռի կործանման հետևանքով 14 մարդ է զոհվել
ԱՄՆ-ը համոզված է՝ ՆԱՏՕ-ին Ֆինլանդիայի և Շվեդիայի անդամակցության հարցում առաջիկա գագաթնաժողովում առաջընթաց կլինի
Քաղաքականություն
23.06.2022 | 15:28
ԱՄՆ իշխանությունները ձգտելու են ՆԱՏՕ-ին Ֆինլանդիայի և Շվեդիայի անդամակցության հարցում դրական արդյունքի հասնել դաշինքին առաջիկա գագաթնաժողովին։ Այս մասին հայտարարել է ԱՄՆ պետքարտուղարի Եվրոպայի ու Եվրասիայի հարցերով տեղակալ Քարըն Դոնֆրիդը, գրում է swissinfo-ն։
«Ես կասեմ այսպես․ մենք միանշանակ հասնում ենք դրան»,- ասել է նա Սենատի լսումների ընթացքում՝ պատասխանելով հարցին՝ արդյո՞ք ԱՄՆ-ը հույս ունի համաձայնության հասնել Թուրքիայի, Ֆինլանդիայի ու Շվեդիայի միջև Մադրիդում հունիսի վերջին կայանալիք ՆԱՏՕ-ի գագաթնաժողովին։
Դոնֆրիդը կառուցողական է անվանել ՆԱՏՕ-ի գլխավոր քարտուղար Յենս Ստոլտենբերգի բանակցությունները, որոնք երկուշաբթի տեղի են ունեցել դաշինքի կենտրոնակայանում Թուրքիայի, Շվեդիայի և Ֆինլանդիայի ներկայացուցիչների հետ։
«Որքան մենք հասկանում ենք՝ դա կառուցողական հանդիպում էր։ Մենք համոզված ենք նրանում, որ առաջընթաց այդ ուղղությամբ կլինի»,- ասել է Դոնֆրիդը։
Հավելենք, որ երկուշաբթի ՆԱՏՕ-ի կենտրոնակայանում տեղի է ունեցել Թուրքիայի, Շվեդիայի և Ֆինլանդիայի ներկայացուցիչների հանդիպումը։ Թուրքիան դեմ է Սկանդինավյան երկրների ՆԱՏՕ-ին անդամակցությանը։
Էմմա Չոբանյան
