18.05.2026 | 20:49
Ինժեներ՝ 70 հազար դրամ աշխատավարձով․ ինչ է հայտարարագրել «Ալյանս»-ի առաջին համարը
Վիեննան կրկին ճանաչվել է աշխարհի ամենահարմարավետ քաղաքը
Քաղաքականություն
23.06.2022 | 23:23
Համաձայն բրիտանական The Economist ամսագրի Economist Intelligence Unit (EIU) ամենամյա վարկանիշային աղյուսակի՝ Ավստրիայի մայրաքաղաք Վիեննան երրորդ անգամ ճանաչվում է աշխարհի ամենահարմարավետ քաղաքը, փոխանցում է DW-ի ռուսական ծառայությունը։
Վիեննան նախկինում գլխավորել է այս վարկանիշային աղյուսակը 2018 և 2019 թվականներին: Վիեննան գրավիչ քաղաք են դարձնում կայուն պայմանները, լավ ենթակառուցվածքները և առողջապահական համակարգը, ինչպես նաև մշակութային և ժամանցային բազմազան հնարավորությունները:
EIU-ի վարկանիշային աղյուսակի համաձայն՝ Դանիայի մայրաքաղաք Կոպենհագենը ամենահարմար քաղաքների շարքում երկրորդ տեղում է, իսկ երրորդում՝ շվեյցարական Ցյուրիխը։
Ավելի վաղ՝ 2021 թվականի դեկտեմբերին, իսրայելական Թել Ավիվը ճանաչվել էր աշխարհի ամենաթանկ քաղաքը՝ EIU-ի ուսումնասիրության արդյունքներով, որը համեմատում էր մոլորակի 173 քաղաքներում ապրելու ծախսերը։ Այս վարկանիշում երկրորդ տեղը կիսել են Փարիզն ու Սինգապուրը, երրորդ տեղ չի սահմանվել, իսկ չորրորդում շվեյցարական Ցյուրիխն է։
Տաթև Ֆռանգյան
