21.03.2026 | 20:02
ԱՄՆ-ի Հավայի նահանգում 5,5 հազար մարդ կտարհանվի ջրհեղեղի պատճառով
Արդեն ուզում ենք Հայաստանում արբանյակ արտադրել․ ՀՀ նախագահ. ՏԵՍԱՆՅՈՒԹ
Քաղաքականություն
22.06.2022 | 23:51
Հայաստանի առաջին տիեզերական արբանյակը ձեռք բերելու գործընթացը 2021-ի հոկտեմբերից է սկսվել` մի հանդիպման արդյունքում, որի մասին տեղյակ են եղել ՀՀ վարչապետը և ևս երկու անձ: Հանրային հեռուստաընկերության հետ հարցազրույցում պաշտոնավարման 100 օրն ամփոփելիս այս մասին նշեց ՀՀ նախագահ Վագահն Խաչատուրյանը՝ հավելելով, որ գործընթացին շատ սահմանափակ մարդիկ են մասնակցել, որի մասին պարբերաբար տեղեկացված է եղել վարչապետը. հունվարին արդեն իսկ պայմանավորվածությունը ձեռք էր բերվել:
ԻՀայաստանի առաջին տիեզերական արբանյակի հիմնական նպատակը տիեզերական գործունեությամբ զբաղվելու բազա ունենալն էր։ Խաչատուրյանը նշեց, որ արբանյակի հետ արդեն կապ է հաստատվել և շուտով նկարներ էլ կլինեն։ Նախագահը հավելեց` արբանյակային կայանն այժմ Հայաստանից չի կառավարվում, դրսից է կառավարվում, բայց հայկական կողմի հրահանգներով կամ պայմանավորվածություններով: Առաջիկայում կառավարման կայան կլինի նաև Հայաստանում:
Իսկ հնչող քննադատություններին, թե ինչու է հայկական կողմը համագործակցել ամերիկացիների, այլ ոչ թե ռուսների հետ` Խաչատուրյանն արձագանքեց. «Մենք «Ռոսկոսմոսի» հետ էլ պայմանավորվածություննրր ունենք, ուղղակի իրենց հետ այլ ծրագրեր ենք իրականացնում, այսինքն` նրանք այսպիսի ծրագրերում դեռևս մասնակցություն չունեն։ Իսկ թե ինչու հայկական արբանյակը կապի արբանյակ չէ, պետք է ասեմ, որ կապի արբանյակը բավական թանկ է և պետք է ավելի լուրջ ներդրումներ արվեն»,- նշեց նախագահը։
Խաչատուրյանը հավելեց նաև, որ Հայաստանը մտադիր է արբանյակ արտադրել, և կոչ արեց ոլորտի մասնագետներին դիմել ԲՏԱ նախարարություն։
Մանրամասները՝ տեսանյութում։
