15.09.2026 | 14:53
Եվրոպական խորհրդարանն ընդունեց ՀՀ-ին արտահանման արտոնություններ տալու նախագիծը
Աշտարակի քրեական հետախույզները ապօրինի պահվող ինքնաձիգ են հայտնաբերել
Հասարակություն
22.06.2022 | 23:17
ՀՀ ոստիկանության Աշտարակի բաժնի ծառայողների պրոֆեսիոնալ աշխատանքի շնորհիվ հունիսի 20-ին ապօրինի պահվող ինքնաձիգ է հայտնաբերվել։
Ինչպես տեղեկացրին ՀՀ ոստիկանությունից, քրեական հետախույզները տեղեկություններ էին ստացել, որ Արտաշավան գյուղի բնակիչներից մեկը տարիներ առաջ ապօրինի կերպով ինքնաձիգ էր ձեռք բերել, որը պահվում էր գոմի տանիքում։
«Տեղեկությունների իսկությունը ստուգելուց հետո հարուցվեց քրեական գործ:
Արագածոտնի մարզի ընդհանուր իրավասության դատարանի որոշմամբ խուզարկություն կատարվեց նշված տանը և օժանդակ շինություններում: Գոմի տանիքում հայտնաբերվեց առանց գործարանային համարի «Կալաշնիկով» ինքնաձիգ»,- ասվում է հաղորդագրության մեջ:
Ըստ աղբյուրի՝ հայտնաբերվածն առգրավվել է, և հարուցված քրեական գործի նախաքննությունը շարունակվում է։
