09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Փոխվարչապետ Մհեր Գրիգորյանն ընդունել է ԱՄՀ հայաստանյան առաքելության նորանշանակ ղեկավարին
Քաղաքականություն
22.06.2022 | 17:37
Փոխվարչապետ Մհեր Գրիգորյանն ընդունել է Արժույթի միջազգային հիմնադրամի (ԱՄՀ) հայաստանյան առաքելության նորանշանակ ղեկավար Իվա Պետրովայի գլխավորած պատվիրակությանը: Հանդիպմանը ներկա էր նաև Հայաստանում ԱՄՀ մշտական ներկայացուցիչ Մեհդի Ռաիսսին. տեղեկացնում են փոխվարչապետի գրասենյակից։
«Հանդիպման սկզբում փոխվարչապետ Մհեր Գրիգորյանը շնորհավորել է Իվա Պետրովային պատասխանատու պաշտոնը ստանձնելու կապակցությամբ՝ ընդգծելով, որ կառավարությունը բարձր է գնահատում ԱՄՀ հետ համագործակցությունը:
ԱՄՀ հայաստանյան առաքելության ղեկավար Իվա Պետրովան շնորհակալություն է հայտնել ջերմ ընդունելության համար և փոխվարչապետի հետ քննարկել Հայաստանի հետ համագործակցության հնարավոր նոր ուղղությունները:
Այս համատեքստում փոխվարչապետը ներկայացրել է Կառավարության կողմից իրականացվող բարեփոխումները, խոսել մարդկային կապիտալի զարգացման կարևորության, մասնավորապես՝ կրթության, առողջապահության և սոցիալական պաշտպանության ոլորտում առկա խնդիրների և նախատեսվող բարեփոխումներին մասին:
Անդրադարձ է կատարվել նաև տարածաշրջանային զարգացումներին և դրանց ներքո Հայաստանի առջև ծառացած տնտեսական և ֆինանսական ռիսկերին ու դրանց հակազդելու հնարավորություններին»,- ասված է հաղորդագրությունում։
